Við erum með Svía í heimsókn. Eva, Staffan, Samuel, Rebekka og David komu í heimsókn til okkar á föstudaginn, og ég er meira að segja í fríi í vinnunni …
Þetta eru sannarlega búnir að vera viðburðaríkir dagar. Við leigðum bústað uppi í Brekkuskógi (þökk sé Leu) og ætluðum að fara þangað strax á föstudaginn. En þegar heim var komið sáu þau að rauðvínskútur sem þau höfði tekið með sér hafði sprungið í annarri feraðtöskunni og rauðvín lag út um allt. Það var því ekkert annað að gera en að fresta brottför í bústaðinn, og nýta þvottavélina til hins ýtrasta. Sýndum þeim Hallgrímskirkju í staðinn, fórum upp í turninn og var það ágætis sárabót.
Svo fékk Hlynur Snær hita aftur og var því ekki alveg í ferðastuði. Mamma kom þá á laugardagsmorgninum og var hjá honum meðan við fórum í bústaðinn. Styttum ferðina töluvert og ætluðum að koma heim á sunnudeginum.
Lögðum snemma af stað og áttum saman reglulega skemmtilegann laugardag. Sýndum þeim Geysi og Gullfoss í blæstri og kulda.
Sunnudagurinn var einnig mikið ævintýri. Það kom alveg brjálað veður og tvísýnt um tíma hvort við kæmumst yfir höfuð heim til Reykjavíkur. Við ákváðum eftir 2 símtöl til Vegagerðarinnar og könnunarferð niður á veg að leggja af stað. Og það var keyrt á 40-50 km hraða fyrsta spölinn. Við komumst heilu og höldnu í bæinn og þau mjög glöð að hafa upplifað smá ævintýri.
Þau voru ekkert smá sátt við að fara í pottinn í bústaðnum … held þau hafi ekki alveg trúað því að það væri pottur við hvern bústað fyrr en við sýndum þeim myndir. Og svo þegar við komum á staðinn.
Nú er stóri dagurinn, síðasti dagur ársins, og við vonumst þess heitt að veðrið verði almennilegt í kvöld og við getum skotið upp kökunum sem ég keypti hjá nr 3 í gær.
Við Staffan fórum svo í Árbæjarlaugina í morgun með börnin á meðan stelpurnar voru heima að gera klárt fyrir kvöldið. Þeim fannst þetta mikið ævintýri að fara út í snjókomuna og skella sér í heita pottinn.
Vil svo í lokin óska öllum sem nenn að lesa þetta gleðilegs árs og vonandi verður árið 2008 eins skemmtilegt og árangursríkt fyrir okkur öll eins og 2007 var.
Gleðilegt ár !
