arnigunnar.net

Hvar endar þetta eiginlega … ??

Ég er orðinn viðskiptavinur ríkisins. Hverjum hefði dottið það í hug þegar við fluttum heim frá Svíþjoð fyrir tæplega einu og hálfu ári síðan.

Ég stofnaði fyrirtæki, var gríðarlega bjartsýnn á framtíðina, allt á uppleið alls staðar.

Núna þarf ríkið að kaupa viðskiptabankann minn, lánið sem við tókum fyrir húsinu hefur stórhækkað, á sama tíma og verð hússins hefur lækkað um annað eins. Þeir peningar sem við Gulla höfðum unnið okkur inn þessi rúmlega 11 ár sem við höfum búið saman hafa verið þurrkaðir út á 9 mánuðum.

Svakalegt.

EN … það þýðir ekki að væla, eða vera bitur yfir því sem búið er. Maður verður að reyna að vinna sem bestu út úr

… Lesa alla færsluna

Dæmigert … dottnir út í riðlakeppninni. Elsta liðið í keppninni, Kim Källström fékk næstum ekkert að spila, Zlatan á hálfum hraða, Henke Larsson orðinn gamall og hinir “meðaljónarnir” eins og Pétur Marteinsson orðaði það gátu ekki neitt.

Þá verður maður bara að halda með Hollandi … ég tippaði á þá sem sigurvegara fyrir mót, og eftir þessa ótrúlegu byrjun, þá eru þeir líklegir.

En útsláttarkeppnin er óútreiknanleg og nú fara leikirnir að verða verulega spennandi.

Sá eitt komment frá fyrrverandi vinnufélaga á Facebook áðan sem lýsir Svíunum alveg fullkomlega. Það hljómaði einhvern veginn svona: “Við hefðum hvort eð er tapað fyrir Hollandi”.

Það er alveg merkilegt hvað þeir hafa mikla minnimáttarkennd þegar þeir tapa, en eru montnastir í heimi ef

… Lesa alla færsluna

Jæja … þá er maður kominn til Sverige á ný. Tók að sjálfsögðu tölvuna með og tengdi 3G módemið hans Staffan við tölvuna og tengist netinu þannig. Alveg svaka kúl.

Fór með Gullu í smá göngutúr þegar ég kom, gaman að ganga um gamla hverfið.

Kíktum á gamla húsið og svona … mjög gaman. Förum að borða hjá Therese og Erik í kvöld, þau ætla einmitt að koma til okkar í sumar.

Eva heldur svo upp á afmælið sitt á laugardaginn … það er búið að vara mig við að það verði partíað fram eftir nóttu … veit ekki alveg hvernig það verður :o

Það er verið að endursýna Ísland - Svíþjóð á EM í sjónvarpinu núna. Leikurinn var að byrja. Það eru núna næstum 3 tímar síðan leik lauk og ég er ennþá svekktur. Við spiluðum eins og höfuðlaus her í fyrri hálfleik og ég var þess fullviss um að þetta færi að detta hjá okkur í seinni. Alveg handviss.

En það varð ekki … ástandið bara versnaði ef eitthvað var.

Og ég barði svo oft í sófann að það hálfa væri nóg.

En það þýðir víst ekkert að væla yfir þessu, bara rífa sig upp fyrir laugardaginn og taka leikina sem við eigum um helgina. Það góða við þetta er jú að við getum nú varla spilað mikið verr

… Lesa alla færsluna

Við erum með Svía í heimsókn. Eva, Staffan, Samuel, Rebekka og David komu í heimsókn til okkar á föstudaginn, og ég er meira að segja í fríi í vinnunni …

Þetta eru sannarlega búnir að vera viðburðaríkir dagar. Við leigðum bústað uppi í Brekkuskógi (þökk sé Leu) og ætluðum að fara þangað strax á föstudaginn. En þegar heim var komið sáu þau að rauðvínskútur sem þau höfði tekið með sér hafði sprungið í annarri feraðtöskunni og rauðvín lag út um allt. Það var því ekkert annað að gera en að fresta brottför í bústaðinn, og nýta þvottavélina til hins ýtrasta. Sýndum þeim Hallgrímskirkju í staðinn, fórum upp í turninn og var það ágætis sárabót.

Svo fékk Hlynur Snær

… Lesa alla færsluna

Þær vilja fara berbrjósta í sund.

Valur - Gummersbach í handboltanum í kvöld. Við Gulla ætlum að fara með guttann og afa hans á leikinn. Báðir annálaðir Valsarar :)

Svo er stóri dagurinn á morgun. Við eigum möguleika á Íslandsmeistaratitlinum … og eigum leik gegn HK. Ég var dauðhræddur við leikinn síðasta sunnudag, en Valsmenn sýndu þar styrk sinn og völtuðu yfir FH-ingana innan vallar sem utan. Ég vona bara að menn verði jafn grimmir á morgun.

Næsta helgi verður ekki Vals-helgi, heldur póker helgi. Gulla verður í Sverige, og við strákarnir ætlum að taka smá póker sessin á laugardaginn … verður vonandi gaman, og gróðavænlegt :)

Þegar við vorum á leiðinni út á flugvöll í morgun dó Ópelinn … var að keyra, og hann bara drap á sér. Svavar mágur að tímareimin sé farin (veit samt ekki alveg hvert hún fór).

Ég hafði talað við einhvern hjá Opel á Íslandi og fékk töluna 90-95 þúsund km sem tímareimin ætti að duga. Það er svo svíndýrt að gera við bíla hérna að við ætluðum að láta gera þetta heima á Íslandi. Bíllinn er keyrður rétt um 99.000 km núna. En það átti ekki fyrir okkur að liggja og ég var vægast sagt ekki sáttur við lífið í dag. Eva bjargaði nú helling með að koma með allt dótið sem við vorum með í bílskúrnum þeirra síðan við vorum … Lesa alla færsluna

Já …skjótt skipast veður í lofti. Við afhendum húsið hérna í Svíþjóð á fimmtudaginn í næstu viku og ég flýg heim sama dag.

Daginn eftir … þá fáum við Fannafoldina afhenta !!!

Yes … þú last rétt. Einum og hálfum mánuði fyrir umsamda dagsetningu fáum við húsið … við erum ekkert smá sátt við það :)

Jæja … bara að segja frá nokkrum dagsetningum varðandi flutningana … og það verður ekkert talað um leikinn í gær !

Mánudaginn 18. júní fara Gulla og Hlynur Snær heim til Íslands. Vigdís, Davíð og stelpurnar þeirra verða þeim samferða og ég verð einn eftir.

Miðvikudaginn 20. júní kemur gámurinn og ég ætla að fá eitthvað fyrirtæki til að koma og fylla hann fyrir okkur.

Fimmtudaginn 21. júní afhendum við húsið og skrifum undir alla pappíra … og sama dag kem ég heim til Íslands.