arnigunnar.net

Mig dreymdi draum í nótt. Hrikalega skrýtinn draum. Davíð Oddsson seðlabankastjóri var að sýna mér skýrslusafn Landsspítalans sem geymt er langt í iðrum jarðar undir spítalanum við Hringbraut.

Ég man ekki af hverju við vorum að þvælast þarna, en hann sýndi mér sjúkraskýrslur ýmissa frægra og ófrægra manna og kvenna. Páll Óskar, Einar Ben, Steingrímur Hermannsson og fleiri góða fékk ég að sjá, en svo var hann með leynikassa sem ég mátti alls ekki kíkja ofaní …

Þýðir þetta eitthvað ??

Ég varð reiður í gær. Það gjörsamlega blossaði upp í mér reiði þegar fréttir Stöðvar 2 sögðu frá því að Stím, þetta félag sem gamli Glitnir sjálfur átti þriðjungs hlut í, hafi keypt og selt sama hlutinn fimm sinnum á fáum mánuðum.

Fimm sinnum!

Verð að viðurkenna að ég horfði á fréttirnar með öðru auganu við matarborðið, en skilaboðin komust alveg til skila.

Svo dett ég inn á Vísi seinna um kvöldið og þá er búið að draga fréttina til baka. Þetta var kolrangt hjá Stöð 2, viðskiptin áttu sér stað bara einu sinni. Það er reyndar búið að taka fréttina sem afsakar mistökin af vefnum af einhverjum ástæðum. En Viðskiptablaðið er sem betur fer ekki búið að

… Lesa alla færsluna

Flestir vilja afnema verðtrygginguna. Stjórnmálamenn segja að það sé ekki hægt. Bara alls ekki.

Ég var að hugsa um þetta á leiðinni heim eftir að hafa gengið með syni mínum í skólann í morgun að það er kannski einn möguleiki í stöðunni.

Ef við höfum þessa greiðslujöfnunarleið og nýtum okkur hana, væri sniðugt að ríkið myndi segja sem svo að ef þú lendir í því að húsið þitt sé yfirverðsett, þá eru lán niður í 90% veðsetningu miðað við söluverð afskrifuð. Þannig myndum við alltaf eiga 10% í húsum og íbúðum okkar hið minnsta. Þetta er ekki kostnaður sem kæmi á ríkið í einni holskeflu, heldur yfir langt tímabil og því auðveldara að eiga við hann.

Þetta myndi

… Lesa alla færsluna

Jahérna … sumir eru klókari í hausnum en aðrir. Ég skrifaði færslu um okkar ástkæra Ástþór Magnússon og nýju síðuna hans um Lýðveldið. Ég sá nefnilega strax að útlit síðunnar var nákvæmlega eins og útlit sem Sitefinity notar á sýnivef sinn.

Hversu hallærislegt sem manni kann að finnast það að nota þetta útlit, þá má hann nota það að vild, svo fremi sem að útgáfa hugbúnaðarins sé í lagi og leyfisgjöld greidd.

Ég kallaði hann víst nafni sem hann var ekkert sérstaklega sáttur við. Ég fékk fyrsta póstinn frá honum í gærkvöldi, þar sem hann útskýrði málið, þá setti ég athugasemd við færsluna, en það er víst ekki nóg að mati Ástþórs okkar. Ef ég tæki ekki út færsluna fyrir … Lesa alla færsluna

Og nei, þetta snýst ekki um peninga, lán eða mafíustarfsemi, heldur hrikalega kúl hillur sem hönnuður í Rússlandi hefur gert.

Ein þeirra heitir “icelandic tree”, og það er mynd af henni hér fyrir neðan.

Stuttu eftir að ég stofnaði lita fyrirtækið mitt, ZEUS web works, var ég að keyra út nýja útgáfu af vef fyrir einn viðskiptavin okkar.

Þróunin hafði gengið vel og þetta átti ekki að vera mikið mál að skipta út gamla vefnum og setja þann nýja í staðinn.

Ég færi allar skrárnar yfir á vefþjóninn sem hýsir vefinn, en gleymi að breyta tengiskrám sem segja vefnum að tengjast við réttann gagnagrunn.

Að venju gerði ég þetta seint um kvöld eða snemma nætur, sem er i sjálfu sér engin afsökun, en það er best að gera svona hluti þegar minnst umferð er á vefsvæðinu.

Þessi risa mistök mín komast ekki upp fyrr en eftir hádegi daginn eftir þegar við tökum eftir því

… Lesa alla færsluna

… en ekki lengur.

Mér fannst hann vera að gera góða hluti, n.b. eftir að hann hætti í pólitík. Sá viðtal við hann í Kastljósinu áðan, og mæ god, þvílík steypa sem kemur frá manninum …

Ég bjó til hóp á Facebook til stuðnings þess að taka upp EVRU einhliða og án samþykkis asnanna í Brussel:

http://www.facebook.com/group.php?gid=34827728170

Þetta er algjörlega brilliant. John Williams er náttúrulega algjör snillingur.