arnigunnar.net

Ég rakst á þessar myndir af Barack Obama á netinu í morgun. Callie Shell, ljósmyndari hjá Timem tímaritinu, heufur fylgst með honum í fjögur ár, alveg frá síðustu kosningum.

Myndirnar eru aðallega teknar á því tímabili þegar hann var að berjast við Hillary Clinton um útnefningu Demókrataflokksins til forseta Bandaríkjanna.

Maður getur eiginlega ekki gert sér grein fyrir hversu miklu sigur Obama skiptir fyrir Bandaríkin, og þá sérstaklega svarta íbúa þess. Nú hafa þeir einhvern til að líta upp til. Það er þarna mynd af tveimur ungum svörtum drengjum sem mættu á fund hjá Barack Obama. Þeir fengu að hitta hann og tóku ekki augun af honum allann tímann. Þessi mynd fangar það augnablik algerlega. Alveg stórkostleg mynd.

Ég held að kjör hans sem forseta eigi eftir að breyta miklu í Bandaríkjunum, og heiminum öllum ef út í það er farið.

Hann er alveg ótrúlega einlægur og kraftmikill ræðumaður. Ég man ennþá þegar hann steig fram á sjónarsviðið fyrir fjórum árum síðan á þingi Demókrata. Þá var verið að tilnefna John Kerry sem forsetaframbjóðanda þeirra gegn George W. Bush. Eftir ræðu hans þar, var talað um að fram væri kominn ný stjarna á sviðið, sumir gengu jafnvel svo langt að segja að hann ætti möguleika á að verða forseti Bandaríkjanna.

Sem betur fer höfðu þeir rétt fyrir sér.