Amm … rétt er það, þetta er ég þarna á bakvið Bubba á forsíðu DV í dag … hægt er að lesa viðtalið á vef DV.

Hún las þetta fyrir mig blaðamaðurinn í gær, en ég gerði mér ekki alveg grein fyrir því hversu neikvæður ég hljómaði. Þetta er svo sem allt satt og rétt, en þegar þetta er tekið saman, er þetta full neikvætt.

Við Gulla höfum reynt að taka jákvæðann pól í hæðina og horft á björtu hliðarnar á þessu. Hlynur Snær borðar allavega vel á hverju kvöldi ef það verður grjónagrautur í öll mál ;)

Öll él birtir upp um síðir og nú þarf ríkisstjórnin bara að setja fram áætlun hvernig á að tækla vandamálið. Það dugar ekki lengur að segja bara að þetta hljóti nú að fara að lagast og benda á markaðinn í USA sem sökudólginn.

Við hjá ZEUS höfum ekkert hækkað okkar verð á þessu ári, og ætlum ekki að gera það. Reynum að leggja okkar af mörkum til að halda verðbólgunni niðri.

Tökum slaginn saman og horfum fram á bjartari tíma á næsta ári …