arnigunnar.net

Þetta er reikningur frá veitingastaðnum Victoria Falls Hotel í Zimbabwe. Dáldil verðbólga þar ….

Ég nenni ekki að skrifa meira um kreppuna, ástandið eða pólitíkusana … gefum þeim smá frí í bili.

Það er vetrarfrí hjá Hlyni Snæ í skólanum nú á fimmtudag, föstudag og mánudag. Pabbi í Vestmannaeyjum bauðst til að taka hann, og þáðum við það með miklum þökkum. Hann hlakkar rosalega til að fara, finnst alltaf gaman að koma til afa í Vestmannaeyjum, og mesta sportið að sjálfsögðu að fljúga einn :)

Amma hennar Gullu, Jakobína, eða Amma Bína eins og hún er kölluð á mínu heimili varð níræð á sunnudaginn. Ég tók nokkrar myndir af henni og Hlyni Snæ og setti á Flickr síðuna.

Sá sunnudagur var fjórði sunnudagurinn í röð sem við fórum í afmæli kl. 15:00.

… Lesa alla færsluna

Ég hef ekki séð einn einasta pólitíkus, embættismann, útrásarvíking eða aðra almenna borgara standa upp og segja skýrt og greinilega: “Ég gerði mistök”.

Og ég skil ekki hvers vegna. Fólk keppist um að flytja sökina yfir á aðra, reyna að gera sem minnst út úr sínum eigin mistökum. Davíð segir að þetta sé útlendingunum að kenna, Jón Ásgeir segir að þetta sé útlendingunum að kenna. Stjórnarandstaðan eins og hún leggur sig segir að þetta sé stjórninni að kenna. Ríkisstjórnin segir að þetta sé mestann partinn innfluttur vandi.

Svo eru fylgismenn þessarra hópa í bloggheimum að hnakkrífast um þessar skoðanir allar saman. Og það á alltaf að finna einn sökudólk. Einn Davíð. Einn Gordon Brown. Einn Geir. Einn Jón Ásgeir. Einn

… Lesa alla færsluna

Ég bjó í Svíþjóð í tvö og hálft ár, frá 2005 til 2007. Þar áttum við lítið, sætt og dæmigert sænskt raðhús í úthverfi Stokkhólms. Þar tókum við lán fyrir um 70% af verðgildi hússins. Þar borguðum við um 2.5% vexti þegar þeir voru sem lægstir. Óverðtryggt. Verðgildi hússins hækkaði töluvert þessi rúmlega tvö ár, en ekki lánið okkar.

Yfirvöld hafa gefið það út að öllum fasteignalánum frá viðskiptabönkunum. Hverju og einu einasta.

Hvernig væri þá að nota tækifærið, setja lög sem heimila Íbúðalánasjóði að búa til ný lán sem hafa enga verðtryggingu? Við lifum á þvílíkum tímum þessa daga og vikur og þurfum á öllum okkar kröftum að halda til að standa undir okkar skuldbindingum. Skuldbreyta bara öllu

… Lesa alla færsluna

Okkur datt í hug í vinnunni í morgun að senda allar greiningardeildir bankanna til Norður Kóreu eins og þær leggja sig.

Það er meira að segja nóg húsnæði þar í yfirgefnu hóteli að nafni Ryugyong Hotel. Þetta hótel telur um 3000 herbergi, fullt af plássi fyrir allar greiningardeildir bankanna.

Það eru reyndar engir gluggar og engin þjónusta, en það væri fínt fyrir þessa gutta og píur að fá að lifa eins og við hin í smá tíma.

Í þessu fjármálaóveðri sem geysað hefur síðastliðnar 2 vikur hef ég bara ekki séð forseta vorn, Ólaf Ragnar Grímsson að neinu viti. Hann var í viðtali á Stöð 2 í síðustu viku minnir mig, en meira var það ekki.

Samkvæmt forseti.is, þá er maðurinn á landinu, hvernig væri nú að koma fram og styðja aðeins við bakið á brothættri þjóð þegar hún þarf mest á því að halda ?

Ég er búinn að lesa nokkrar sögur af fólki sem hefur lagt aleiguna í Peningamarkaðsbréf hjá bönkunun, svipað og ég gerði með lausafé míns fyrirtækis sem ég setti í hinn alræmda Sjóð 9 hjá Glitni. Nú þegar lokað er fyrir viðskipti í þessum sjóðum stendur fullt af fólki frammi fyrir

… Lesa alla færsluna

Ég verð bara að segja fyrir mína parta að Davíð Oddsson var frábær í Kastljósinu í kvöld. Hann talaði skýrt og greinilega um það sem hefur verið í gangi hérna undanfarna daga og vikur.

Skýrustu skilaboðin voru þessi: “Við ætlum ekki að borga erlendar skuldir bankanna”.

Þetta þýðir að útrásarvíkingarnir verða að standa skil á sínum hlutum sjálfir, og líklega fara erlendir hlutar bankanna í gjaldþrot. Eftir standa 1-2 Íslenskir bankar með enga erlenda starfsemi.

Mér líður betur í kvöld …

Hérna er að finna neyðarlögin á Alþingisvefnum. Hvet alla til að lesa þau upp til agna …

Mér datt þetta í hug þegar ég var að renna yfir fótboltafréttirnar í morgun. Tottenham sekkur eins og Titanic, því þeir hafa ekki byrjað eins illa síðan árið 1912, sama ár og Titanic sökk.

En hvað er svona líkt? Jú. Bæði Juande Ramos og Geir H. Haarde virðast bjargarlausir, koma ekki fram með neinar lausnir. Þeir blaðra fullt, en það kemur ekkert út úr því. Liðin þeirra eru að spila handónýta taktík og leikmennirnir vita ekkert í hvort fótinn á að stíga. Óvissan er algjör. Hvað gerist næst? Hvaða taktík spilum við um næstu helgi? Verður þjálfarinn okkar á sínum stað á morgun?

Og hvað eru stuðningsmenn Tottenham að fara fram á núna? Jú, að reka hinn spánska Ramos. Ekki

… Lesa alla færsluna

Mér finnst þetta ferli allt mjög furðulegt. Ég sá aukafréttatíma á RÚV í gær þar sem fyrirliðinn í okkar liði, Geir H. Haarde, kom fram og sagði að ekki væri tímabært að koma fram með aðgerðaráætlun.

Liðið okkar, með Geir í fararbroddi fundaði alla helgina, og það kom ekkert út úr því, nema að bankarnir eiga að selja eignir í útlöndum til að minnka umsvif sín. That’s it!

Er maðurinn ekki að fatta að það sem hræðir flesta er þessi nagandi óvissa um það sem koma skal. Hvernig verður ástandið um næstu mánaðarmót? Mun lánið mitt hækka um rúmlega prósent eins og 1. október? Mun ég fá mínar launahækkanir, hvað verður um kjarasamningana? Heldur gengið áfram að falla? Fara Landsbanki

… Lesa alla færsluna