Jæja … þá er vika 2 hjá þeim stutta næstum búin í skólanum og hann er þetta líka glaður með þetta allt saman.

Auðvitað hafa komið upp hin og þessi atriði, hann hefur aðeins verið að láta hendur skipta og tvisvar sett eitthvað sem ekki má í buxurnar, en fyrir utan það gengur bara vel.

Hann er rosalega ánægður með allt í skólanum og finnst skemmtilegast að vinna í vinnubókinni. Hann er orðinn fluglæs (var það fyrir þónokkru síðan) og okkur fanst rosalega fyndið að hann væri að lesa í lestrarbók fyrir algjöra byrjendur. En hann tók þessu bara vel … las eins og honum hafði verið sett fyrir og var bara sáttur við það.

Við höfum labbað með honum í skólann þessa fyrstu daga, Gulla fyrstu 2 og svo tók ég við. Það er fínt að fá smá göngutúr á morgnana … bætir bara við líkamsræktina ;)

Gulla var í Svíþjóð síðustu helgi, skrapp í kräftskiva hjá Evu. Var víst svaka stuð, og djammað til kl. 5 um morguninn. Ég fór á meðan í matarboð hjá fjölskyldunni hennar Gullu … aleinn … skil ekki að hún skuli taka Evu framyfir matarboð með mér …

Annars er bara allt í sínum vanagangi … éta, borða og sofa.