Hlynur Snær er hjá afa, ömmu og Sigurlaugu í Vestmannaeyjum. Hérna er mynd af honum í snjóhafinu.
Það er hægt að sjá fullt af myndum af brúðkaupinu og snjónum á Flickr síðunni hans pabba.
March, 2008 Monthly archive
Þetta var svo sannarlega eftirminnileg ferð til Vestmanneyja um helgina, og ekki bara vegna þess að í gær lentum við í þvílíkum vetrarhremmingum að það hálfa væri nóg.
Við ætluðum að halda heim á leið með flugi í gær kl. hálf sex, en það var víst ekki í boði. Strax upp úr miðnætti byrjaði að snjóa all verulega og það hélt áfram langt fram eftir degi. Menn hafa víst ekki séð svona mikinn snjó síðan 1968.
Þetta var útsýnið frá hurðinni hjá pabba, Leu og Sigurlaugu á sunnudagsmorguninn.
Þegar leið á daginn varð útséð um að hægt væri að fljúga og við Gulla ákváðum að fara með Herjólfi til baka kl. 4. Við töluðum við björgunarsveitina og þeir ætluðu að koma að sækja okkur og koma okkur niður að höfn.
En þegar klukkan var farin að nálgast og ekkert bólaði á björgunarsveitinni, þá ákváðum við að leggja bara af stað fótgangandi. Þett var hund erfitt í byrjun, en þegar við komumst neðar í bæinn var þetta auðveldara, þá höfðu björgunarsveitarmennirnir eitthvað verið á ferð og við gátum gengið í hjólförunum.
En við vorum blaut og köld þegar við komumst niður að skipi, því við vorum ekki búin til útiveru. Sem betur fer biðum við ekki eftir björgunarsveitinni, því skipið lagði af stað stuttu síðar.
Ástæðan fyrir veru okkar í Vestmannaeyjum var að pabbi minn átti 55 ára afmæli og við vildum að sjálfsögðu vera viðstödd. Þegar við komum á föstudagskvöldið var okkur sagt (og beðin um að fara ekki með það lengra) að það væri ekki bara afmælisveisla daginn eftir. Heldur brúðkaupsveisla að auki.
Á laugardaginn kl. 2 gengu svo pabbi og Lea í hjónaband í stofunni að Helgafellsbrautinni að viðstöddum þeim sjálfum (að sjálfsögðu), prestinum, Sigurlaugu Birnu, mér, Gullu og Hlyni Snæ (sem bar hringanga fyrir þau).
Þetta var svo tilkynnt óvænt í veislunni um kvöldið. Svaka stuð.
Við hjónin erum veðurteppt í Vestmannaeyjum … björgunarsveitin á leiðinni til að ná í okkur svo við komumst í Herjólf. Ekkert flogið í dag. Stuð, stuð stuð …