Á leiðinni til Barcelona
Sit á Heathrow að bíða eftir flugi til Barcelona. Búinn að vera hér í 2 tíma, og á 3 eftir … svaka stuð.
Plöggaði mig inn á wi-fi gaurinn hérna og sit og skoða netið … ég ætlaði mér að reyna að horfa á Arsenal – Manchester United, en það er enginn bar hérna sem er með boltann í beinni … nett svekk það. Ef ég hefði verið aðeins seinna á ferðinni, þá hefði ég getað séð leikinn úr lofti … sá Emirates Stadium (Arsenal völlinn) og nýja Wembley þegar við vorum að koma inn til lendingar … rosa massívir vellir, báðir tveir.
Ég gleymdi næstum því að setja Honduna mína í geymslu í morgun. Ég var kominn upp að öryggistékkinu, tók allt upp úr vasanum og þar var bíllykillinn … varð að fara niður aftur og græja bílinn. Var sem betur fer ekki farinn alveg í gegn.
Og það er búið að setja upp jólatré hérna fyrir framan mig … er ekki örugglega 3. nóvember … ekki 3. desember ??