arnigunnar.net

Jæja … þá er þetta allt að smella saman hjá okkur hérna úti í Sverige. Við gengum frá sölunni á húsinu í gær, og fyrir töluvert hærri upphæð en við höfðum þorað að vona, og það er víst bara mjög gott mál.

Það stefnir allt í að við þufum að afhenda húsið hérna 20. júní næstkomandi, einum og hálfum mánuði áður en við fáum Fannafoldina afhenta. En það er víst hugsanlegt að Fannfoldin afhendist eitthvað fyrr, og er það bara hið besta mál. Þetta verður hins vegar smá púsluspil og hausverkur að pakka öllu niður, því að við erum með gesti 6. júní - 18. júní. Þeir verða þá bara að þola það að búa með okkur og kössunum okkar … Lesa alla færsluna

Eins og ræningjarnir í Kardimommubænum sögðu, þá er það ákveðið. Við erum á leiðinni heim til Íslands, og í þetta skipti for good. Við erum búin að kaupa okkur lítið og sætt raðhús í Fannafoldinni og ætlum að fá það afhent 1. ágúst næstkomandi.