arnigunnar.net

Við fórum í 3 rússíbana í Busch Gardens á laugardaginn, hver öðrum flottari. Því miður var einn lokaður vegna viðhalds … en við tökum hann bara næst :)

Sheikra (tvisvar)

Kumba (einu sinni)

Gwazi Lion (tvisvar)

Í dag birtist mynd af Hlyni Snæ í bæjarblaðinu. Þetta er blað sem kemur út og er dreift í vestur Stokkhólmi. Blaðið er með netútgáfu, en þið þurfið að fletta upp á blaðsíðu 8 til að sjá hann.

Jæja … þá er maður búinn að þrauka viku án fjölskyldunnar. Hef talað við þau á hverjum degi og reynt að nota vefmyndavélarnar til að ná smá sambandi við þau. Það er rosalega skrítið að koma heim úr vinnunni og það er enginn stubbur að taka á móti manni, eða kona að knúsa. En þetta styttist með hverjum deginum sem líður og þetta er bara verkefni sem við ákváðum að takast á við saman.

Á föstudaginn fórum við Stebbi á NBA leik, sáum Orlando Magic takast á við Washington Wizards. Það var rosalega gaman að sjá alvöru NBA leik, og maður gerir sér ekki grein … Lesa alla færsluna

Já … þá er maður kominn til Orlando í Bandaríkjunum. Átta tíma flug að baki. Ég var vakandi í næstum sólarhring í gær, vaknaði snemma til að skutla Gullu og Hlyni Snæ út á flugvöll. Fór svo í vinnuna og náði að redda nokkrum hlutum áður en ég fór í flugið.

Húsið sem við erum með er alveg meiriháttar. 4 svefnherbergi og 2 stofur. Mjög flott. Við erum með bílaleigubíl líka sem var þjóðnýttur í dag til að kíkja í búðir. Ég keypti mér litla myndavél, alveg handónýtt að geta ekki bara kippt með sér lítill vél … nenni ekki alltaf að taka þá stóru.

Annars … Lesa alla færsluna