Mér var hótað hérna áðan að jólaísinn myndi ekki láta sjá sig næstu jól ef ég minntist ekki á ágæti hans og hversu vel húsmóðirin á heimilinu stóð sig í ísgerð fyrir jólin. Því er komið á framfæri hér með og ég vona innilega að ég fái jólaís á næsta ári líka.
December, 2006 Monthly archive
Ég verð bara að viðurkenna það, ég trúi ekki á guð, hef aldrei gert og mun aldrei gera. Punktur. Jólin eru ekki trúarleg hátíð fyrir mér, heldur tími til að taka sér tíma frá hversdeginum og eyða tíma með sínum nánustu vinum og ættingjum.
Og það er einmitt það sem við höfum gert og komum til með að gera núna um jólin. Pabbi kom í heimsókn til okkar frá Íslandi og eyddi með okkur aðfangadagskvöldi og jóladeginum. Svavar, Katarina og börnin komu í morgun og fengu heitt súkkulaði og smákökur “a la Gulla”. Pabbi fer því miður heim á morgun, en vinafólk okkar, Robin (frá Hollandi) og Natalya (frá Úkraínu) koma í mat. Við ætlum að gefa þeim íslenskt lambalæri, en bjóða þeim upp á smá afgangs hangikjöt sem við náðum ekki að klára í kvöld.
Á miðvikudag eða fimmtudag ætlum við svo að skella okkur til Noregs og hitta Mumma, Ólöfu, Elísabetu, Tobba, Lilju og Oliver Breka. Þar ætlum við að vera um áramótin og koma heim á næsta ári. Það verður stuð þar, og vonandi að Hlynur og Oliver geti leikið sér mikið saman þegar við komum þangað.
Aðfangadagurinn var mjög góður. Á Þorláksmessumorgunn fórum við pabbi niður í bæ og keyptum þessa fínu hreindýrasteik. Henni var skellt á pönnu og í ofn og var svona líka svakalega góð. Ég gerði skeldýrasúpu á undan, sem var alveg himnesk. Ég hef gert humarsúpu undanfarin ár, en fannst tími til kominn að breyta til og gera eitthvað annað. Og ég heiti því hér með að gera sömu súpuna aldrei 2 ár í röð.
Jóladagsmáltíðin var Húsavíkur hangikjöt sem pabbi kom með, uppstúfur, laufabrauð og kartöflur. Alvöru Íslenskt :) Svavar og Katarina voru með jólaboð líka fyrir fjölskylduna hennar, en hangikjötið rann ekki eins ljúft þar niður og það gerði hér, svo ég segi ekki meira :o
Þó ég trúi ekki á guð, þá Hlyns vegna trúi ég á jólasveina ;)
Öllum sem lesa þetta pár, sem ég þekki og öllum hinum lika óska ég gleðilegra jóla, sama á hvaða forsendum þið haldið jólin hátíðlegt. Gleðileg Jól !
Arni Gunnar Ragnarsson (eða Guðlaug Rún Gísladóttir)
Oxelbärsgränd 60
16572 Hässelby
Stockholm
Sweden
Ég var að rekast á þetta á einu blogginu:
Styrktarreikningur hefur verið opnaður fyrir foreldra Svandísar Þulu, 5 ára stúlku sem lést í bílslysi á Sandskeiði 2. desember s.l. Bróðir Svandísar Þulu,sem er átta ára slasaðist alvarlega og á langa sjúkrahúsvist fyrir höndum. Okkur langar að biðja þá sem vilja styðja fjárhagslega við bakið á foreldrum þeirra, þeim Hrefnu og Ásgeiri að leggja inn á eftirfarandi reikning:
Reikningur: 120-05-75519
Kennitala: 060875-5029
Ég mun gefa eitthvað af aurum þangað inn, og vona að mínir nánustu sjái sér fært að gefa líka.
2 stykki sænsk kombökk (e. comebacks) í ensku úrvaldsdeildina í fótolta. Magnus Hedman gerði samning við Chelsea til vors og nú er Henrik Larsson búinn að skrifa undir þriggja mánaða lánssamning við Manchster United. Veit ekki hvað það er með fjallaloftið hérna, en 2 gamalmenni að gera kombakk er ekki slæmt á ekki styttri tíma.
Við erum ennþá að bíða efitir vetrinum hérna. Það er búið að vera fínasta veður í haust, milt og fínt. Það hefur svo sem ekki ringt mikið, en það er búið að vera blautt og síðan í byrjun október.
Sumir voru víst að rukka eftir myndum, og ég tók nokkrar um síðustu helgi, en þar sem ég ætla að nota eina úr seríunni í jólakortið okkar, þá ætla ég ekki að setja þær á netið strax. Við Hlynur ætlum kannski til Uppsala á sunnudaginn að horfa á flugeldasýningu og það er aldrei að vita nema maður taki myndavélina með þangað.
Andri, Lólý, Dagbjört Líf og Alexander eru svo að koma í heimsókn í næstu viku. Andri er að fara til Finnlands á ráðstefnu hjá Nokia og ætlar að geyma fjölskylduna hérna á meðan. Aldrei að vita nema maður taki sér kannski smá frí á meðan þau eru hérna …
Gulla er núna uppi að læra fyrir próf áður en þau koma. Fyrsta prófið er á miðvikudaginn og svo 11. og 12. des. Við Hlynur reynum að láta fara lítið fyrir okkur hérna niðri á meðan.
Ég ætla að fara með hann út á morgun og við ætlum að kaupa jólaljós fyrir garðinn okkar. Hann er alveg heillaður af öllum ljósunum sem eru að koma upp hér í nágrenninu. Þannig að allt verður vel lýst þegar Andri og Lólý koma :)
Þessir fyrstu 2 mánuðir sem minn eigin herra hafa liðið alveg ótrúlega hratt. Ég er alveg gáttaður yfir því að ég sé búinn að senda út 2 sett af reikningum til allra minna kúnna. Og það er aldrei að vita nema að það verði mikið að frétta af þessu brölti mínu innan tíðar … læt ykkur vita síðar :)
Svo var ég nú hálf fúll yfir því að bara pabbi og Mummi kommentuðu á afmælisdagabloggið mitt … annað hvort les þetta enginn, eða þið eruð hrædd við að skrifa … kommon people !
Jæja … gott í bili … Árni Gunnar.