Legis og fleira gotterí
Í morgun byrjaði Hlynur Snær á “legis” í kirkjunni hérna rétt hjá okkur. Kirkjan rekur opinn leikskóla, legis og svo fullann alvöru leikskóla. Legis er staður þar sem öllum fjögurra ára börnum er boðið frítt pláss í 3 tíma á dag. Við getum ráðið hvort hann tekur út þennann tíma hjá dagmömmunni, eða förum með hann eitthvað annað.
Við ákváðum að sækja um hjá kirkjunni, Gullu leist svo vel á allt hjá þeim þegar hún var að fara í opnu leikskólana síðasta haust. Þetta virkar þannig að við mætum með gutta til dagmömmunnar kl. 7:30 á morgnana og hún sér um að fara með hann í kirkjuna og ná í hann þangað. Alveg magnað system sem þeir hafa hérna Svíarnir …
Hittum Evu og Staffan aðeins á sunnudaginn. Krakkarnir voru háværir að venju og skemmtu sér vel. Eva var búin að biðja okkur um að taka fullt af myndum af Íslandi og sýna þeim þegar við kæmum til baka. Þar sem veðuraðstæður voru nú ekkert sérstakar þennann tíma sem við vorum þarna og ég hreinlega nennti ekki að taka mikið af myndum, þá ákváðum við að gefa þeim ljósmyndabók frá Íslandi í staðinn. Og þau voru svona líka ánægt með bókina. Staffan kíkir í bókina á hverju kvöldi að skoða það sem fyrir augu ber. Aldrei að vita nema við sýnum þeim allt þetta í eigin persónu næsta sumar :)
Það er búið að vera soldið skrítið að mæta í vinnuna eftir frí. Stemningin hérna er svaka skrítin þessa dagana … alveg massa ládeyða yfir öllum. Ég vona bara að þetta sé svona vottur af for-haust-þunglyndi og allt komist í samt lag fljótlega. Annars verður kannski eitthvað spennandi að frétta af vinnumálum fljótlega … segi betur frá því síðar :)
Gulla er bara á fullu í skólanum í sænskunni og gengur bara vel. Hún er enn ákveðin í að fara í lyfjatækninámið. Nú er hún jafnvel að skoða að taka það í fjarnámi frá Fjölbrautarskólanum í Ármúla. Hún er að tékka á hvað hún fær metið af skrifstofunáminu þar inn og tekur svo ákvörðun.
Hurru … á meðan ég man. Andri: Til hamingju með þú veist hvað … og þú heldur áfram að fara vel með þú veist hvað ;)
Bless í bili …