arnigunnar.net

Jamm … við erum búin að fá nýja barnapíu. Eftir ævintýrin með þá síðustu, þá ákváðum við að fá einhverja sem við þekkjum. 13 ára dóttir einnar sem Gulla hefur verið að hitta reglulega ætlar að passa fyrir okkur endrum og eins. Hún hefur hjálpað mömmu sinni mikið með yngri systkyni sín og setur Hlyn væntanlega ekki fatalausann í rúmið.

Núna þurfum við nefninlega ekkert endilega að fá íslenskumælandi barnapíu … hann er orðinn svo sleipur í sænskunni strákurinn :)

Hann dafnar vel á Legis, fer þangað á hverjum degi og finnst mjög gaman. Hann hefur verið að draga sig svolítið til baka í hópleikjum og var þannig fyrst, en hann er allur að koma til hvað það varðar. Farinn að leika … Lesa alla færsluna

Ég fór með Hlyn Snæ í gær á St. Görans Ögonsjukhus í enn eina augnskoðunina. Og augnlæknirinn var svona lika ánægð með hann. Hann skipti á milli augna þegar hann horfði, að því er virtist án áreynslu. Hann sér jafn vel með báðum augum, sem er mjög gott og henni virtist sem hann væri minna rangeygður en hann hefur verið.

Sem sagt, allt mjög góðar fréttir. Hlynur Snær var mjög sáttur við að sleppa við að hafa plásturinn í vetur, og vonandi þarf hann ekki að fá hann aftur. Við höldum hins vegar áfram að fara í eftirlit þangað eitthvað fram eftir aldri býst ég við. Þeir meiga nú eigað það Svíarnir að svona hluti gera þeir vel :)

Við höfðum verið … Lesa alla færsluna

Í morgun byrjaði Hlynur Snær á “legis” í kirkjunni hérna rétt hjá okkur. Kirkjan rekur opinn leikskóla, legis og svo fullann alvöru leikskóla. Legis er staður þar sem öllum fjögurra ára börnum er boðið frítt pláss í 3 tíma á dag. Við getum ráðið hvort hann tekur út þennann tíma hjá dagmömmunni, eða förum með hann eitthvað annað.

Við ákváðum að sækja um hjá kirkjunni, Gullu leist svo vel á allt hjá þeim þegar hún var að fara í opnu leikskólana síðasta haust. Þetta virkar þannig að við mætum með gutta til dagmömmunnar kl. 7:30 á morgnana og hún sér um að fara með hann í kirkjuna og ná í hann þangað. Alveg magnað system sem þeir hafa hérna Svíarnir …

Hittum … Lesa alla færsluna

Ég var að setja inn fullt af myndum úr fríinu okkar á Flickr síðuna mína. Ég hef alltaf haft hug á að birta þær hérna á vefnum, en hef bara ekki gefið mér tíma í að gera það.

• Spánn og allt sem því fylgdi
• Afmælisveisla í Lómasölum

Jú … og svo er hægt að nálgast forsíðu Flickr síðunnar minnar með því að smella á myndirnar hér efst á síðunni.

Á Spáni var heitt … og þá meina ég HEITT! Ég er nokkuð viss um að það verði löng bið í að við fjölskyldan förum til Spánar í júlí. 35+ gráður á Celsíus skalanum er bara full mikið fyrir minn smekk. Þegar maður kemur út úr loftkælingunni, þá er bara eins og maður gangi á vegg, svo mikill er hitinn. Við sem vorum rétt orðin vön við að hafa 25-30 stiga hita heima hjá okkur …

Það merkilegasta við flugið til Spánar var að það lagði af stað á réttum tíma, upp á mínútu. Sterling vélin átti að leggja af stað klukkan 7:00. Og nákvæmlega klukkan 7:00 tók hún á loft á Arlanda flugvelli í Stokkhólmi og lenti svo nánast … Lesa alla færsluna