Hafði föstudagsleikina rétta. Þýskaland og Ítalía komust áfram. Laugardagurinn var hins vegar hræðilegur. Tippaði á England og Brassana, en bæði lið töpuðu.

Hefði miklu frekar viljað sjá England en Portúgal áfram. Þessar vælu kjellingar í Portúgalska liðinu eru bara alveg að fara í taugarnar á mér. Christiano Ronaldo þar fremstur í flokki … kæmi mér ekki á óvart að hann yrði ekki vinsælasti maðurinn í búningsherberjum Man Utd þegar leikmenn hittast aftur eftir sumarfrí … ef hann verður þá ennþá hjá liðinu, en hann er víst búinn að gefa það út sjálfur að Real Madrid hafi áhuga á honum.

Sætti mig hins vegar við sigur Frakka á Brasilíu. Frakkarnir voru massífir á móti Spáni og enn massívari á móti Brasilíu. Öll lið sem halda núllinu gegn þeim gulu, fá prik í kladdann hjá mér. Zidane var stórkostlegur í leiknum … þrjátíuogfjögurra (34) ára gamall. Magnað alveg.

Á laugardaginn fórum við með Evu, Staffan og fjölskydu út á Ekerö að baða í lóni sem er þar. Það vær vægast sagt heitt … um 28 stiga hiti og sól allann daginn. Það var mjög gaman þar, svo var farið heim til þeirra, pantaðar pizzur og horft á England tapa. Staffan kom svo heim til mín og við sáum Frakkana taka Brasilíu. Góður dagur á laugardaginn.

Tengdó komst ekki með, þar sem hún er ein brunarúst … fær varla að fara út úr húsi. Hún er eins og indjáni. Var víst aðeins of mikið í sólinni á föstudaginn.

Svo var bara rólegt heima í gær …