arnigunnar.net

Það er gjörsamlega alveg klikk að gera í vinnunni þessa dagana. Það er verið að vinna að nýjum lastminute.se vef sem verður að vera tilbúinn fyrir 1. október. Einnig var ákveðið að hanna nýjann vef frá grunni og byggja hann á nýrri tækni sem enginn hérna innanhúss hefur unnið með áður. Ástæðan fyrir þessu öllu saman er að lastminute.com var keypt í sumar af Bandarísku fyrirtæki sem heitir Sabre. Sabre á fyrirtæki hér í Svíþjóð sem við munum vinna mikið með í framtíðinni. Við munum smíða nýja vefinn á þeirra tækni og það er ekki auðvelt skal ég segja ykkur. Stuð.

Ég skutlaði síðasta sumargestinum heim áðan … Linda, vinkona hennar Gullu, ákvað að eyða með okkur þrítugsafmælinu sínu. Það verður … Lesa alla færsluna

2 dagar. 10. og 11. ágúst. Skrítnir dagar. Mismunandi dagar. Mjög mismunandi dagar. Sorg og gleði, svo nátengd.

Dagurinn í gær var erfiður. Mikið hugsað til baka og mikið um “hvað ef …” hugsanir. Þegar ég hugsa um Dag Frey, þá hugsa ég alltaf mikið um daginn sem hann fór frá okkur. Ég á ennþá erfitt með að skilja hvernig við fórum að því að fara heim til Stellu frænku þegar við fórum heim af sjúkrahúsinu. Ingó frændi, sem býr að öllu jöfnu í Namibíu, var þar í heimsókn og við fórum þangað beint og hittum meginn hlutann af móðurfjölskyldunni minni. Þetta er bar eitthvað svo stórt og svo skrítið að ég hef aldrei náð heilli hugsun utanum þetta allt saman. … Lesa alla færsluna

Internettengingin mín og sjónvarpið koma frá sama aðilanum, UPC. Þeir eru með kapal inn í húsið og þar get ég fengið digital sjónvarp og internet. Ég er með 24 Megabita tengingu (þegar hún virkar) og fullt af sjónvarpsstöðvum. Fyrir um mánuði síðan fór að bera á truflunum í sjónvarpsmerkinu og netið datt út einstaka sinnum. Ég hringdi í þjónustuver UPC og á minni takmörkuðu sænsku náði að koma manninum sem svaraði í skilning um að ég væri í vandræðum með sjónvarpið mitt. Hann sendi viðgerðarmann, sem gat reyndar ekki komið fyrr en eftir 3-5 virka daga. Við biðum og biðum og sjónvarpið varð verra og verra.

Svo kom víst viðgerðarmaður, en hann kom aldrei inn til okkar, var bara eitthvað úti … Lesa alla færsluna