Komin önnur færsla, og smá uppfærsla
Annars er allt gott af okkur að frétta. Gulla, Hlynur Snær og tengdamamma eru gjörsamlega að stikna úr hita hérna heima á daginn. Það fer upp í ca 25 gráður og það er bara helvíti heitt skal ég segja ykkur.
Hlynur sefur bara í nærbuxum og með bleijuna sína, honum er svo heitt. Hann er samt alveg að fíla sig í þessu … fær bara nógann ís að borða og er þá voða kátur. Ég held að maðurinn í ísbílnum sé farinn að þekkja Gullu, hún er alltaf að kaupa ís. Ég held að Hlynur sé með óvenju þroskað málbein … hann bara hættir ekki að tala. Hann talar og talar allann daginn. Það er eins og hann sé að vinna upp það sem hann tapaði fyrstu 2 árin sín. Það er samt mjög gaman að honum þó að maður geti líka fengið alveg nóg.
Ég er á sænskunámskeiði tvisvar í viku og það gengur bara ágætlega. Ég fór í próf í gær (fyrsta prófið mitt í 11 ár) og gekk bara ágætlega held ég … ég skal segja ykkur hvað ég fékk þegar ég fæ niðurstöðuna eftir helgi. Svo get ég nú ekki sleppt því að tala um hversu vel Val gengur heima á Íslandi. 6 leikir og 5 sigrar … eina tapið var gegn langbesta liðinu í deildinni. Greinilegt að Willum og Gummi Ben gera gæðamuninn.
Jæja … þarf að koma mér í rúmið og ofaná sængina (því það er svo heitt) … það á að skíra hana Tinnu litlu á morgun. Gulla er búin að standa á haus í allann dag að baka (kemur á óvart). Ég fæ allavega Ingu Köku á morgun :):):):)