arnigunnar.net

Já, þá er það ákveðið. Mánudaginn 13. október ætlar Hlynur Snær að fara á leikskóla! Okkur var bent á einkarekinn leikskóla sem heitir Vinaminni og er í Asparfelli. Við fjölskyldan fórum í dag og skoðuðum aðstæður og leist svona líka vel á. Til að byrja með verður hann hálfann daginn frá kl. 8-12. Gulla ætlar að halda áfram að vinna á kvöldin til að byrja með og svo sjáum við til hvað verður.

Það verður rosalega gott fyrir hann að komast aðeins burt af heimilinu og umgangast önnur börn, þó hann verði bara hálfann daginn. Þetta er svo sannarlega ekki ókeypis. Við þurfum að borga 21.100 krónur fyrir 4 stundir. Ef við vildum vera með hann allann daginn, kostar það rúmlega … Lesa alla færsluna

Jæja, þá er sumarfríinu lokið. Gulla er farin að vinna á kvöldin aftur og ég sé um snáðann seinni partinn og kem honum í rúmið. Það getur verið frekar snúið þessa dagana vegna tanntöku. Hann er að fá 2 tennur í efri góminn og er búinn að vera rosalega pirraður undanfarna daga. Það er eins og barnið okkar sé týnt og eitthvað annað barn komið í staðinn … :(

Svo erum við farin að athuga með leikskólapláss handa honum. Við töluðum við fyrrverandi vinnufélaga minn sem er með sinn strák á einkareknum leikskóla rétt hjá Árbæjarsafni. Gulla ætlar að fara með hann þangað og sjá hvernig þetta lítur út allt saman. Það verður gaman að taka þetta inn í heimilisbókhaldið :o

Í dag, 11. ágúst 2003 á Hlynur Snær afmæli. Hann er eins árs í dag. Það var svaka stór veisla heima hjá okkur í gær, svo stór að við þurftum að hafa þetta í tveimur hollum. Ætli það hafi ekki mætt rúmlega 50 manns heim til okkar í gær, þetta var bara næstum eins og brúðkaupsveislan okkar :o

Annars gekk þetta bara vel. Gulla var náttúrulega búin að standa á haus í eldhúsinu dagana fyrir afmælið og ég reyndi að hjálpa til af fremsta megni. Í gær vaknaði guttinn náttúrulega á sínum vanalega tíma, rétt fyrir 7. Gulla fór fram og náði í hann og skellti sér svo í eldhúsið. Við feðgarnir lúrðum aðeins lengur og náðum að kúra til klukkan … Lesa alla færsluna

Hlynur Snær tók upp á því í kvöld að vakna og gráta samfleytt í næstum einn og hálfann klukkutíma. Okkur virtist sem hann væri með eitthvað í maganum, hann herptist til í kviðnum með reglulegu millibili. Við hringdum auðvitað niður á Barnaspítala og töluðum við hjúkrunarfræðing þar. Hún sagði okkur að hringja eftir smástund og tala við lækni.

Á meðan við biðum eftir því, róaðist hann niður og sofnaði loks í fanginu á mér eftir að hafa fengið pelann sinn. Það er ekkert sérstaklega skemmtilegt að halda á barninu sínu sem grætur stjórnlaust og geta ekkert gert til að hjálpa til. Hann engdist og spyrnti þvílíkt í ef maður reyndi að halda honum þétt og hugga hann. Vonandi kemur þetta ekki … Lesa alla færsluna