arnigunnar.net

Það eiga allir að skrifa í gestabókina og óska mér til hamingju! Kl. 6:44 (já, kl. 6:44) í morgun lagði ég af stað að heiman og áfangastaðurinn var Sporthúsið í Kópavogi. Þar spriklaði ég í næstum klukkustund. Það var smá átak að koma sér framúr, en þegar ég var kominn af stað, þá var þetta í góðu lagi.

Ég byrjaði á því að skella mér á hjól og hjólaði stíft í 25 mínútur. Ef eitthvað er að marka mælingarnar eyddi ég rúmlega 220 kaloríum á því. Tók mér svo smá pásu, teygði aðeins á löppunum og skellti mér svo á hlaupabrettið. Var þar í 10 mínútur. Fór svo og teygði vel á öllum vöðvum, gerði smá magaæfingar og fór svo í … Lesa alla færsluna

Við lágum bara í leti í dag. Ég fékk að sofa út og það var mjög gott. Svo þegar ég vaknaði þá fékk Gulla að leggja sig, sem var líka mjög gott. Svavar var að pússa garðstólana sína … gott hjá honum. Katarina fór að sjá systurdóttursína á hestbaki. Gott hjá henni.

Gulla fór í ICA og keypti sér kaffi sem ekki fæst á Íslandi. 8 kassar lágu í valnum þegar hún hafði rænt búðina. Það eru 8 skammtar í hverjum kassa, þannig að Gulla fer heim með 64 skammta af Súkkulaðikaffi … þetta er ekki heilbrigt.

Það var vaknað snemma þennan morgun, því við ætluðum að láta guttan vakna um 6, ná svo smá lúr áður en við þyrftum að leggja af stað heim á leið kl. 11. Hann vaknaði sjálfur og við fórum með hann niður. Hann var ekki alveg á því að vakna, borðaði matinn sinn og fór strax aftur að sofa, hvað sem við reyndum. Heimferðin sjálf gekk svo alveg í sögu, Hlynur Snær stóð sig eins og hetja. Hann heillaði hálfa flugvélina. Konan sem sat við hliðina á okkur, og hefur búið í Svíþjóð í 30 ár, langaði að halda á honum og var sá stutti ekkert ósáttur við það. Einn flugþjónninn fór með hann í göngutúr um vélina og ég veit … Lesa alla færsluna

Það var lítið gert í dag. Við Gulla og Hlynur Snær skelltum okkur til Vällyngby að versla smá. Gulla keypti sér smá af fötum og ég skoðaði eins og venjulega en keypti ekki neitt eins og venjulega. Þegar við vorum á leiðinni heim týndi Hlynur snuðinu sínu og það var ekkert rosalega gott mál. Fórum inn í COOP og keyptum handa honum snuð. Þar sem við vorum á ferðinni gafst ekki tími til að sjóða þau og fékk hann því eitt beint úr pakkanum. Þetta snuð er soldið stærra en það sem hann hefur verið að sjúga hingað til og var hann ekki par sáttur við þetta. Það tók hann nokkra stund að taka það í sátt og vera með … Lesa alla færsluna

Snemma morguns lögðum við af stað til Djurgarden sem er eyja hér rétt fyrir utan. Þar eru skemmtigarðar og söfn sem gaman er að skoða. Við ætluðum að taka strætó kl. 10:03 og vorum komin út á stöð rétt um 10 leytið. Þar beið einhver Svíi að bíða eftir strætó. Klukkan varð 10:05 og enginn strætó kominn … tíminn leið og leið og enginn strætó kom. Við ræddum við þennan sem beið með okkur, og hann ætlaði að taka strætó kl. 9:33 og sá hafði ekki heldur látið sjá sig. Við náðum ekki strætó fyrr en 10:33, og þá höfðu dottið niður 2 ferðir. Aumingja Svíinn … vonandi var hann ekki að verða of seinn í vinnuna.

Skansen er svona Sænsk … Lesa alla færsluna

Leti, leti og leti Það var bara ekker gert í dag. Rigning úti og við vorum bara heima að slappa af. Ég var reyndar að glíma við smá magakveisu, en ekkert alvarlegt. Hlynur Snær er 10 mánaða í dag og Katarinu datt í hug að taka handa- og fótafar af honum og steypa í gipsi. Gaman að koma með það heim. Ég er þessa stundina að horfa á landsleik Svíþjóðar og Póllands í sjónvarpinu. Við ætluðum að reyna að fá miða, en það var allt uppselt. Góðar fréttir í kvöld að Ísland sigraði Litháen 3-0 í Litháen. Mjög gott mál.

Já það var mikil morgungleði þegar okkur datt í hug að hringja í Adidas búðina sem við fórum í í gær. Þar beið myndavélin hans pabba eftir okkur. Ég hafði greinilega skilið hana eftir þegar ég var að borga fyrir þessa 2 stuttermaboli. Mikil endalaus heppni er þetta sem fylgir okkur hérna … fyrst veskið og svo myndavélin. Ég þarf að fara að binda hluti við mig svo ég muni að taka þá með mér.

Við Gulla og Hlynur Snær skelltum okkur því aftur í bæinn og náðum í myndavélina. Fórum að skálfsögðu aftur á Burger King að borða. Fórum svo í nokkrar búðir, keyptum föt á Hlyn og komum okkur svo heim.

Það var magnaður matur í kvöld. Ég tók að … Lesa alla færsluna

Ég endaði síðasta pistil á því að vonast eftir því að nóttin yrði róleg hjá guttanum … og það varð raunin. Hann svaf eins og steinn, vaknaði kl. 7 og þá vorum við rétt um það bil að vakna líka. Prik fyrir hann!

Við ákváðum í gærkvöldi að fara 3 saman í bæinn í dag, það er nú einu sinni tveggja ára brúðkaupsafmæli í dag. Við tókum strætó út á lestarstöð kl. 9:30 og vorum komin í bæinn um hálf ellefu leytið. Fórum að skoða gamla bæinn (Gamla Stan) og konungshöllina og var það fínt. Soldið skrítið að labba um götu þar sem fólk hafði látið lífið nokkrum dögum áður. Það var nefninlega þannig að einhver geðskjúklingurinn keyrði upp eina af … Lesa alla færsluna

Hlynur Snær tók upp á því í nótt að vakna kl. 3 í nótt og bara vildi ekki fara að sofa. Við komum honum ekki niður fyrr en klukkan 5. Mikið svakalega tekur þetta á þolinmæðina þegar maður er rifinn upp um miðja nótt og þarf að sinna barninu sínu … en þetta er víst hluti af því að eiga barn.

Við ákváðum í dag að skella okkur á ströndina. Við Gulla fórum í gær í göngutúr til að leita að ströndinni, en fundum enga. Svo eftir hádegið í dag lögðum við af stað og gengum niður að ströndinni. Við komumst þá að því að í gær vorum við í um það bil tveggja mínútna göngufjarlægð frá 2 baðströndum.

Við eyddum mestum … Lesa alla færsluna

Í dag komu foreldrar Katarinu í heimsókn og borðuðu með okkur kvöldmatinn. Þau komu um fjögurleytið og þá var Hlynur í fullu fjöri. Við fórum með hann í gönguferð um fimmleytið og ætluðum að láta hann sofna, en hann var ekki á þeim buxunum. Við gengum og gengum með hann, en hann gaf sig ekki. Við tókum hann þá bara inn aftur og lékum aðeins við hann á gólfinu inni. Þá hresstist hann aftur við og þurfti ekkert að sofa.

Svavar grillaði íslenskt lambakjöt og sænskt svínakjöt á gasgrillinu sínu … svakalega gott. Hlynur sat með okkur meðan við borðuðum og spjallaði. Fékk svo grautinn sinn þegar við vorum að klára.

Hann er endalaust að taka upp á nýjum hlutum. Nú er … Lesa alla færsluna