arnigunnar.net

Í dag byrjaði ég að vinna hjá Innn hf. Þeir kaupa af mér einn mánuð í verktakavinnu til að byrja með. Ef það gengur vel, fæ ég að vera hérna áfram. Ég er að skrifa þetta við vinnustöðina mína með 3 glænýja samstarfsmenn yfir öxlinni …

Hlynur Snær brosti fyrir okkur í fyrsta sinn í fyrradag. Og þetta var ekki magakveisubros. Þegar við kitlum hann í hökuna, þá brosti hann þvílíkt til okkar … ekkert smá gaman. Eiginlega í fyrsta skipti sem við eigum einnhver samskipti við hann. Geðveikt !!

Í gærkvöldi fórum við Gulla á útgáfutónleika í Þjóðleikhúsinu. Hljómsveitin Ný Dönsk er að gefa út nýjann geisladisk fyirr þessi jól sem ber nafnið Freistingar. Á plötunni eru 13 gömul lög í nýjum búningi, auk tveggja nýrra laga. Fyrrverandi söngvari hljómsveitarinnar, Daníel Ágúst Haraldsson, er þeim til halds og trausts á plötunni.

Þessir tónleikar voru hreinasta snilld. Valgeir Guðjónsson opnaði tónleikana og rifjaði upp fyrstu kynni sín af hljómsveitinni. Það var í Húsafelli verslunarmannahelgina árið 1987. Þar komu Ný Danskir fram í hljómsveitarkeppni og sigruðu. Því næst kom Jón Ólafs á sviðið og spilaði og söng lagið Flugvélar aleinn … gaman að heyra hann syngja! Svo kom hvert snilldarlagið á fætur öðru.

Daníel Ágúst kom og söng nýtt lag eftir sig, Fagurt … Lesa alla færsluna

Vakti í 27 tíma í gær/fyrradag. Eftir 5 tíma svefn vaknaði ég kl. 9 á sunnudagsmorgunn af því að Hlynur var eitthvað pirraður. Átti svo að mæta í fótboltatíma kl. 11 þannig að það tók því ekki að fara að sofa aftur. Vakti svo allann daginn eins og gengur.

Svo átti Gulla að fara í vinnuna á mánudagsmorgninum, því hélt ég áfram að vaka og hugsaði um guttann frammi í stofu. Ég er ekki þeirrar náttúru gæddur að geta sofið á nóttunni i stofusófanum. Hlynur Snær var ekki alveg í sínu besta stuði, mikill rembingur í honum og læti. Þurfti að halda mikið á honum svo hann svæfi almennilega. Þetta tvennt þýddi það að ég var ekkert á leiðinni í rúmið.

Gulla … Lesa alla færsluna

Jæja, þá er kappinn orðinn rúmlega 3 kílógrömm að þyngd!! Hjúkrunarfræðingurinn kom í gær (4.11) og viktaði Hlyn Snæ og var hann 3.025 g … loksins orðinn 12 merkur, næstum þriggja mánaða gamall :)

Svo gerðum við annað skemmtilegt í gær, við fórum með Hlyn út að labba í fyrsta sinn. Það var rosalega gaman að vígja nýja vagninn sem við keyptum handa honum. Við vorum bara stutt í þessari fyrstu ferð, rétt út í bakarí og til baka, en við lengjum ferðirnar með hverjum deginum sem líður núna.

Svo fórum við í heimsókn til Sverris og Gretu og fengum að sjá tvíburana þeirra. Gulla var ekki búin að sjá þá síðan hún lagðist inn á spítalann 17. júní. Þau eru orðin … Lesa alla færsluna